Həvəskar idmanın ruhunun qorunması

Peşəkarların iştirakının əsas məqsədi idmanın populyarlaşması, təcrübə mübadiləsi və həvəskar yarışların səviyyəsinin yüksəldilməsidir, aşırı dominantlıq və qeyri bərabər maddi qazanc əldə etmək deyil.

Ədalətli rəqabət

Peşəkarların iştirakı, həvəskarların əvvəlcədən motivasiyasını itirməsinə səbəb olmamalıdır. Bunun üçün şəxsi yarışlarda qüzəşt sistemindən, qoşa və ya komanda yarışlarında isə balanslaşdırılmış komanda heyyətlərindən istifadə oluna bilər. 

Qəbul kateqoriyaları və məhdudiyyətlər yarış iştirakçılarının səviyyəsinə müvafiq olaraq təşkilat komitəsi tərəfindən təyin olunmalıdır.

Məsuliyyət və etika

Həvəskar yarışlarda iştirak edən peşəkar idmançı etik davranmalı, rəqib-həvəskarlara hörmət etməli və onların hazırlıq səviyyəsinə laqeydlik nümayiş etdirməməlidir.

Təşkilatçılar peşəkarların qəbulu qaydalarını bütün iştirakçılara aydın şəkildə və öncədən çatdırmaq və onlara əməl olunmasını təmin etmək öhdəliyini daşıyırlar. Mübahisəli vəziyyətlər yarandıqda, qərar təşkilat komitəsi tərəfindən qəbul edilir.